Папраўкі ў кодэксы ў пытаннях крымінальнай адказнасці, якія прадугледжваюць смяротнае пакаранне для чыноўнікаў і вайскоўцаў за дзяржзраду, уступілі ў моц.
Закон № 256-3 ад 9 сакавіка «Аб змене кодэксаў у пытаннях крымінальнай адказнасці» апублікавалі на Нацыянальным прававым інтэрнэт-партале 14 сакавіка. 25 сакавіка дакумент уступіў у сілу. У законе зявілася крымінальная адказнасць «за здраду дзяржаве», здзейсненую службовай асобай. Папраўкі прадугледжваюць за гэтае злачынства нават смяротнае пакаранне, якое распаўсюджваецца на ўсіх асобаў, якія займаюць дзяржпасады.
З 25 сакавіка, згодна з папраўкамі, у Беларусі з’явілася крымінальная адказнасць за «прапаганду тэрарызму» і «дыскрэдытацыю арміі», а таксама штрафы за злачынствы антыдзяржаўнай накіраванасці.
Алена Аляксандрава belsat.eu
