Вярхоўны камісар ААН у правах чалавека Мічэль Бачэлет 25 лютага ў Жэневе на 46-й сесіі Рады ААН у справе правоў чалавека прэзентавала справаздачу пра становішча ў Беларусі.
«Падзеі, якія развярнуліся да і беспасярэдне пасля выбараў, прывялі да крызісу беспрэцэдэнтных маштабаў у галіне правоў чалавека», – заявіла спадарыня Бачэлет, перадае ТАСС.
На думку эксперткі, гэтыя падзеі «зрабілі больш бачнымі шматгадовыя сістэматычныя парушэнні і беспакаранасць». Вярхоўны камісар адзначыла «шматлікія і шырокія парушэнні, учыненыя ў кантэксце выбараў, сістэматычным адмаўленні фундаментальных свабодаў, масавых незаконных арыштаў».
Даклад Мічэль Бачэлет ахоплівае перыяд з 1 траўня да 20 снежня 2020 года. Пасля завяршэння працы над гэтым дакументам «сітуацыя ў галіне правоў чалавека [у Беларусі] пагоршылася», падкрэсліла яна.
МГ belsat.eu