На памежных пераходах з Беларусі ў Польшчу, Літву і Латвію захоўваюцца вялізныя чэргі цяжкавікоў. Паводле звестак Дзяржаўнага памежнага камітэту, у пункце пропуску «Казловічы» сабралася чарга з больш як 500 машынаў.
На памежных пунктах пропуску на выезд у Латвію сабраліся чэргі з дзясяткаў цяжкавікоў, а таксама дзясяткі соцень машынаў на выезд у Літву і Польшчу.
Паводле памежнікаў, у пунктах пропуску «Беняконі» і «Каменны Лог» стаяць у чэргах больш за 250 грузавых машынаў. Найбольшая чарга назіраецца на пункце пропуску «Казловічы»: тут у чарзе стаяць больш за 500 цяжкавікоў. Такая чарга расцягнулася амаль на 30 кіламетраў.
Разам з тым, у Берасці на выезд у Польшчу ў пункце пропуску «Берасце» сабралася чарга з больш як 350 легкавікоў.
У Літву і Латвію чэргі складаюць некалькі дзясяткаў легкавых аўтамабіляў.
Алена Аляксандрава belsat.eu