Памочнік прэзідэнта Расеі і кіраўнік расейскай дэлегацыі на перагаворах з Украінай Уладзімір Мядзінскі 24 сакавіка заявіў, што цяпер «на коне само існаванне Расеі як расейскай цывілізацыі». Пра гэта піша «РИА Новости».
Паводле Мядзінскага, Захад нібыта штурхае Расею да разбурэння палітычнай сістэмы і краіны. Ён параўнаў сітуацыю са смутным часам напярэдадні лютага 1917 года, калі была скінутая манархія, і пачаткам распаду СССР.
Што такое «расейская цывілізацыя» і што менавіта робіць Захад для яе знішчэння, Мядзінскі не патлумачыў.
Нагадаем, што роўна месяц таму Расея напала на Украіну, ператварыўшы канфлікт, які цягнуўся з 2014 года, у поўнамаштабную вайну.
У Генеральным штабе Збройных сілаў Украіны 23 сакавіка паведамілі, што з пачатку канфлікту Расея страціла каля 15 600 асобаў.
ПС belsat.eu