Студэнта БДУ затрымалі ў дэканаце ўніверсітэта і пакаралі 15-соднявым арыштам

Студэнта Іллю Сіўцова за апошнія два тыдні ўжо двойчы затрымлівалі і абодва раза адпраўлялі на содні, паведамляюць праваабаронцы.

Студэнт БДУ Ілля Сіўцоў. Фота: viasnanazirae / Telegram

Першае затрыманне 22-гадовага студэнта адбылося 13 снежня. Тады ў праўладных тэлеграм-каналах з’явілася «пакаяльнае відэа», на якім хлопец распавядае, што падпісаны на «экстрэмісцкія» каналы, рэгістраваўся ў плане «Перамога», удзельнічаў у масавых беспарадках у жніўні 2020 года, а таксама быў назіральнікам на выбарах. Пасля першага арышту суд пакараў Сіўцова 6 соднямі адміністрацыйнага арышту.

Аднак праз два дні пасля вызвалення з Акрэсціна, 21 снежня, студэнта выклікалі ў дэканат БДУ, каб ён напісаў тлумачальны ліст. На выхадзе з дэканата Іллю зноў затрымалі сілавікі.

Другі суд над студэнтам прайшоў учора, 22 снежня, у судзе Маскоўскага раёну. Яго абвінавацілі ў распаўсюджванне экстрэмісцкіх матэрыялаў (арт. 19.11 КаАП). Суддзя Сяргей Кацар, які разглядаў справу, прысудзіў хлопцу 15 содняў адміністрацыйнага арышту.

На журналіста радыё «Свабода» Андрэя Кузнечыка завялі крымінальную справу

АД, belsat.eu

Падпісвайся на telegram Белсату

Hавiны