Расейскае выданне «Медуза» са спасылкаю на тэлеграм-каналы паведамляе пра выбух у адным з сілавых ведамстваў у Белгарадзе.
У белгародскіх тэлеграм-каналах пішуць аб перакрыцці Праабражэнскай вуліцы. На гэтай вуліцы месціцца рэгіянальнае аддзяленне ФСБ у Белгародскай вобласці.
Расейскі тэлеграм-канал «Рыбарь» са спасылкаю на свае крыніцы паведаміў, што ў Белгарадзе былі атакаваныя аддзелы МУС і ФСБ.
У Белгарадзе апроч будынку ФСБ з беспілотніка таксама быў атакаваны будынак МУС, – піша тэлеграм-канал «ВЧК-ОГПУ» са спасылкаю на ўласныя крыніцы.
Афіцыйна гэтая інфармацыя не пацверджаная. Улады РФ яе не каментавалі.
22 траўня губернатар Белгародскай вобласці Расеі Вячаслаў Гладкоў заявіў, што на тэрыторыю Грайваронскай акругі зайшла дыверсійна-выведная група Збройных сілаў Украіны, а расейскія войскі «робяць неабходныя захады для ліквідацыі праціўніка».
АА belsat.eu