«Жах, боль, пакуты, смерць». Беларускі фатограф Павел Крычко стварыў са скрыншотаў партрэт Пуціна
Менскі фатограф Павел Крычко стварыў партрэт Пуціна з 1500 скрыншотаў фотаздымкаў і навінаў, звязаных з вайной ва Украіне. Партрэт Пуціна, складзены з болю, пакутаў і смерцяў, ён апублікаваў на сваёй старонцы ў Instagram.
«Жах, боль, пакуты, смерць, скалечаныя лёсы, злачынствы, бесчалавечнасць, зло – усё ў гэтым вобразе», – напісаў Павел Крычко пад партрэтам.
«Гледзячы на ўсе гэтыя фатаграфіі, я да гэтага часу не разумею людзей, якія ўсё гэта падтрымліваюць», – дадаў аўтар твору.
Павел Крычко прызнаецца, што ён не дызайнер, але яшчэ некалькі падобных ідэяў, звязаных з тэмай Беларусі, ужо мае ў працэсе распрацоўвання.
«Гэтая работа вартая выставы». – «Вельмі моцна!» – «Выразна і зразумела, па сутнасці! Малайца!» – пішуць у каментарах падпісчыкі фатографа ў Instagram.
ЗК belsat.eu
