Стала вядома пра няшчасны выпадак, у выніку якога ў Варшаве загінула журналістка, рэдактарка і менеджарка Марына Бірукова.
Марына Бірукова працавала ў знаных беларускіх незалежных выданнях – як часопіс «Большой», у выдавецтве «Нестор – Минск», стаяла на чале газеты «Виртуальные радости».
29 лістапада Марыну збіў аўтобус у цэнтры Варшавы, калі яна пераходзіла дарогу. З месца здарэння пацярпелую беларуску забрала хуткая ў цяжкім стане. Уратаваць яе не ўдалося. Сёння, 22 снежня, адбываецца развітанне з Марынай.
«Цудоўны, уважлівы, шчыры і прафесійны быў чалавек. Вельмі шкада, што так склаўся лёс», – адзначае ў Facebook Тарас Тарналіцкі.
«Востры розум і добрае сэрца ў адным чалавеку – сапраўднае багацце, якое сустракаецца не кожны дзень. Марына Бірукова была такім чалавекам», – гэтак адгукаецца пра Марыну Максім Швед.
Рэдакцыя «Белсату» выказвае спачуванні сваякам, блізкім і сябрам Марыны.
РШ belsat.eu
