Святара з Наваградку прызвалі ў транспартныя войскі. Адметна, што ксяндза Дзмітрыя Мальца забіраюць у армію за месяц да сканчэння прызыўнога ўзросту, піша katolik.life.
Каталіцкіх святароў у Беларусі пачалі прызываць на тэрміновую службу ў войска. Раней такіх выпадкаў ніколі не было. Традыцыйна як праваслаўных, так і каталіцкіх святароў вызвалялі ад абавязку праходжання вайсковай службы. Але 22 траўня стала вядома, што 26-гадовага ксяндза Дзмітрыя Мальца забралі ў войска. Адметна, што 18 чэрвеня святару споўніцца 27 гадоў, калі абавязак праходжання тэрміновай службы здымаецца.
Дзмітрый Малец з’яўляецца вікарыем парафіі святога Міхала Арханёла ў Наваградку.
Прызыў Дзмітрыя Мальца ў транспартныя войскі абумоўлены, верагодна тым, што ў гэтым родзе войскаў не абавязкова браць у рукі зброю. Вайскоўцы тут выконваюць дарожныя працы.
Алена Аляксандрава belsat.eu
