Уначы Расея запусціла на тэрыторыю Украіны 21 дрон-камікадзэ. 16 былі знішчаныя, паведамляе Генштаб ЗСУ ў справаздачы, апублікаванай у Facebook. У выніку атакі ў Кіеўскай вобласці пашкоджаны цывільны аб’ект, тры асобы загінулі, сямёра – пацярпелі, удакладняе рэгіянальная вайсковая адміністрацыя.
За мінулыя содні расейскія войскі ўчынілі 10 ракетных і 32 авіяцыйныя ўдары, 90 абстрэлаў з рэактыўных сістэмаў залпавага агню, паведаміў Генеральны штаб ЗСУ. Уначы на тэрыторыю Украіны Расея запусціла 21 беспілотнік-камікадзэ, 16 былі збітыя.
У Кіеве ўсе паветраныя цэлі (8 дронаў) былі знішчаныя, інфармуе гарадская вайсковая адміністрацыя. У вобласці беспілотнік атакаваў цывільны аб’ект, вядома пра трох загінулых і сямёх параненых.
Уначы ў Кіеве, Кіеўскай вобласці і іншых рэгіёнах Украіны гучала паветраная трывога. Супрацьпаветраная абарона працавала блізу сталіцы, а таксама ў Жытомірскай і Хмяльніцкай вобласцях.
Сяргей Крот belsat.eu