Суддзя Алена Бушава прызнала 34-гадовага палітвязня Дзяніса Чыкалёва вінаватым ва ўдзеле ў дзеяннях, якія груба парушылі грамадскі парадак, і асудзіла яго на тры гады «хіміі».
Дзяніс правёў пад вартаю 7 месяцаў, яго адпусцілі з залы суда. Спадара затрымалі 10 жніўня і спачатку абвінавачвалі ва ўдзеле ў масавых беспарадках. Пазней справу перакваліфікавалі на ўдзел у дзеяннях, якія груба парушылі грамадскі парадак.
Паводле матэрыялаў справы, Чыкалёў перашкодзіў 9 жніўня працы аднаго аўтобуса, за гэта «Менсктранс» выставіў прэтэнзіі на суму 6126 руб. 81 кап., але гэты пазоў перанакіравалі разглядаць у грамадзянскім парадку.
Чыкалёў, згодна з матэрыяламі справы, «з іншымі асобамі ігнараваў законныя патрабаванні супрацоўнікаў праваахоўных органаў, груба парушаў грамадскі парадак, выкрыкваў розныя лозунгі і рухаўся, у тым ліку ў «счэпцы», па вуліцах Мельнікайтэ, Заслаўскай, а таксама праспектах пераможцаў і Машэрава ў сталіцы».
Дзяніс Чыкалёў віны не прызнаў.
МГМ belsat.eu