Святлана Ціханоўская лічыць, што санкцыі ЕЗ супраць беларускага кіраўніцтва з’яўляюцца насмешкай. У інтэрвʼю выданню «The Sunday Times» экс-кандыдат на прэзідэнта Беларусі заявіла, што абмежавальныя захады краінаў Еўразвязу недастаткова для аказання ціску на Лукашэнку і яго асяроддзе, паведамляе ТАСС.
Святлана Ціханоўская распавяла, што краіны Захаду мусяць «спыніць фінансаванне рэжыму Лукашэнкі» і ўвесці новыя санкцыі супраць чыноўнікаў і суддзяў».
«Пад санкцыямі знаходзяцца ўсяго 90 чалавек. Гэта насмешка, і рэжым Лукашэнкі смяецца», – заявіла Святлана Ціханоўская.
Былы кандыдат на прэзідэнцтва заклікала краіны Захаду падтрымаць незалежныя медыі, праваабаронцаў і страйкоўцаў.
«Быў вельмі важны той факт, што міжнародная супольнасць не стала прызнаваць Лукашэнка законным пераможцам на выбарах. Падтрымалі, але вырашаць праблему не захацелі», – сказала Святлана Ціханоўская.
Вядома, што ў панядзелак 22 лютага міністры замежных справаў Еўрапейскага Звязу абмяркуюць магчымасць увядзення новых санкцыяў супраць уладаў Беларусі.
Паседжанне Рады замежных справаў Еўразвязу, на якім абмяркуюць пытанне Беларусі, ініцыявалі Польшча, Літва і Румынія. Пра гэта паведаміў дарадца Святлана Ціханоўскай Франак Вячорка.
«Гэта звязана з драконаўскімі прысудамі журналістам, актывістам і пачаткам суда над Бабарыкам. Заўтра таксама абмяркуюць і 4-ы пакет санкцыяў, які ў працэсе падрыхтоўкі», – заявіў ён.
СК belsat.eu
