Падчас тэлефоннай размовы 19 верасня паміж міністрам унутраных справаў і кіраўніцтва Польшчы Мар’юшам Каміньскім і дырэктарам ЦРУ Ўільямам Бэрнзам абмяркоўвалася ў тым ліку сітуацыю ў Беларусі. Пра гэта паведаміў сам Каміньскі ў сацсетцы Х (былы Twitter).
«Абмеркавалі пытанні расейскай агрэсіі ва Украіне, сітуацыю ў Беларусі, а таксама магчымыя сцэнары на будучыню. Гэта чарговая размова за апошні час з шэфам ЦРУ», – паведаміў Мар’юш Каміньскі.
Падрабязнасцяў польскі міністр не стаў распавядаць, толькі адзначыў, што польская выведка і спецслужбы застаюцца ў пастаянным кантакце з амерыканскімі партнёрамі. «Польска-амерыканскае супрацоўніцтва мае выключнае значэнне для бяспекі Польшчы і ўсяго NATO», – дадаў ён.
Афіцыйна ў ЦРУ ніяк не выказваліся наконт перамоваў з польскім бокам.
Раней, 17 верасня, Мар’юш Каміньскі паведамляў, што Памежная ахова Польшчы абʼявіла тэндар на будаўніцтва загароды з электроннымі сістэмамі сачэння на мяжы з Беларуссю на рацэ Буг. Яе даўжыня складзе 172 км. Ён удакладніў, што электронны барʼер будзе ўлучаць прыкладна 4,5 тысячы камер, цеплавізараў і сэнсараў руху.
Польскія кампаніі могуць падаць заяўку на ўдзел да 22 верасня 2023 года. Пераможцу абʼявяць да сярэдзіны лістапада, каб выбраны падраднік мог пачаць будаўніцтва ўжо сёлета.
Алена Рувіна belsat.eu