Ужо 56 дзён цягнецца ваенны канфлікт Расеі і Украіны. Колькасць уцекачоў з Украіны штодня павялічваецца. Офіс вярхоўнага камісара ААН у справах уцекачоў зафіксаваў сёння лік 5 034 439 чалавек, пераважна гэта жанчыны і дзеці, якія выехалі за межы Украіны.
Найбольшую колькасць уцекачоў, паводле афіцыйных звестак, прыняла Польшча – 2 825 000. На другім месцы – Румынія, 757 000. Расею змясцілі на трэцім радку – амаль паўмільёна чалавек. Украіна сцвярджае, што на тэрыторыю РФ людзей вязуць прымусова, фактычна выкрадаючы, часта падзяляючы сем’і, забіраючы дзяцей. Многіх змяшчаюць у фільтрацыйныя лагеры.
Радыё «Свабода» адзначае, што колькасць уцекачоў з Украіны за першыя тры тыдні вайны перавысіла лік уцекачоў ад войнаў у Босніі і Герцагавіне ды Косаве ў 90-я, адкуль, паводле вярхоўнага камісара ў справах уцекачоў Філіпа Грандзі (Filippo Grandi), уцяклі ад 2 да 3 мільёнаў чалавек за 8 гадоў. Такім чынам, вайну Расеі супраць Украіны ўжо можна называць найбуйнейшай гуманітарнай катастрофай у Еўропе пасля ІІ сусветнай вайны.
ЗХ belsat.eu