Судзяць меркаваных адміністратараў тэлеграм-каналу «Армія з народам» і Сяргея Спарыша з «Народнай грамады»
Менскі абласны суд распачаў разгляд справы над блогерамі Сяргеем Коршунам і Яўгенам Прывалавым, меркаванымі адміністратарамі тэлеграм-каналу «Армія з народам» Сяргеем Ярашэвічам і ягонай жонкай Антанінай Канавалавай, а таксама актывістам «Народнай грамады» Сяргеем Спарышым. Затрыманых абвінавачваюць у рыхтаванні да ўдзелу ў масавых беспарадках і падрыхтоўцы беспарадкаў, піша Радыё «Свабода».
Фігурантаў справы тэлеграм-каналу «Армія з народам» вінавацяць у рыхтаванні да ўдзелу ў масавых беспарадках і падрыхтоўцы беспарадкаў. Аналагічныя абвінавачванні агучылі і актывісту «Народнай грамады» Сяргею Спарышу, таксама яму інкрымінуюць перашкоду дзейнасці Цэнтрвыбаркаму.
Узначальвае паседжанне суддзя Аляксандр Епіхаў.
На лаве падсудных акрамя Сяргея Спарыша, Сяргей Коршунаў, Яўген Прывалаў, Сяргей Ярашэвіч і ягона жонка Антаніна Канавалава. Абвінавачаныя не прызнаюць сваёй віны.
СК belsat.eu
