Лукашэнка даў інтэрв'ю BBC, у якім сказаў, што сілавікі «магчыма дапамагалі» мігрантам трапіць у Польшчу
У інтэрв’ю BBC Лукашэнка заявіў, што «абсалютна магчыма», што беларускія сілавікі дапамагалі мігрантам трапіць у Польшчу. Аднак адмаўляе тое, што мігрантаў запрашалі ў Беларусь.
Размова адбылася ў прэзідэнцкім палацы ў Менску.
«Я думаю, што гэта абсалютна магчыма. Мы славяне. У нас ёсць сэрца. Нашы войскі ведаюць, што мігранты едуць у Нямеччыну. Можа, ім нехта дапамог. Я нават не буду ў гэтым разбірацца», – заявіў у інтэрв’ю Лукашэнка.
Аднак Лукашэнка адмаўляе, што спецыяльна запрашаў тысячы мігрантаў, каб справакаваць памежны крызіс. Ён заявіў журналісту, што не збіраўся ўтрымліваць мігрантаў на мяжы і спыняць іх, бо «яны едуць не ў маю краіну, а ў вашу».
З траўня 2021 года на межах Беларусі з краінамі Еўразвязу трывае міграцыйны крызіс: людзі з Блізкага Усходу, Паўночнай і нават Заходняй Афрыкі спрабуюць незаконна трапіць у Еўразвяз.
Толькі паводле афіцыйных звестак беларускіх уладаў, у Беларусі цяпер каля 7000 мігрантаў з Блізкага Усходу і Паўночнай Афрыкі. Паводле замежных крыніцаў, іх можа быць 14-16 тысяч. Яшчэ каля 17 тысяч мігрантаў, якія ішлі праз Беларусь, былі затрыманыя ў Нямеччыне, Польшчы, Літве і Латвіі.
Чытайце таксама:
- Міграцыйны крызіс. Хроніка галоўных падзеяў
- Колькі каштуе сабрацца на мяжу? Пачыталі парады з мігранцкіх каналаў
- «Лепшага шляху ў Еўразвяз цяпер няма». Чаму мігранты ідуць праз Беларусь, нягледзячы на небяспеку
- Тлумачым, чаму мігранты ідуць праз Беларусь на Нямеччыну і што кажуць улады
- «Ім няма куды вяртацца». Курд расказаў, чаму ягоны брат наважыўся на падарожжа ў Беларусь і «штурм» мяжы
- «Гэта гандаль людзьмі». Шчырая размова з іракскім курдам
- Паралелі з палітвязнямі. Як беларусам не перасварыцца, дапамагаючы мігрантам?
- Што трэба ведаць пра беларускі канал нерэгулярнай міграцыі
- Забытыя мільёны. Колькі грошай Беларусь атрымала ад Еўразвязу на ўмацаванне мяжы?
- Да мяжы з Беларуссю – восем кіламетраў. Рэпартаж з Падляшша, дзе абвешчанае надзвычайнае становішча
- «Нас збілі беларусы, пакусалі сабакі… Мы хочам у Нямеччыну». Пра што ў сваіх роліках кажуць мігранты з мяжы
АД belsat.eu
