Памёр адзін з начальнікаў баранавіцкай міліцыі. Ён зламаў шыю, калі ныраў у ваду

Начальнік аддзелу аховы правапарадку і прафілактыкі Баранавіцкага ГАУС падпалкоўнік Аляксей Гецьман зламаў сабе шыю і памёр, паведамляе выданне «Наша ніва» са спасылкай на крыніцу.

Аляксей Гецьман.

Фота: nashkraj.by

Паводле інфармацыі выдання, падпалкоўнік скокнуў у ваду, ударыўся галавой аб дно і атрымаў траўму, несумяшчальную з жыццём. Нейкі час пасля траўмы ён быў паралізаваны, але пазней памёр.

Падпалкоўнік Аляксей Гецьман неаднаразова асабіста браў удзел у рэпрэсіях супраць беларусаў, непраўдзіва сведчыў на судах у Баранавічах пасля выбараў 2020 года. Ён сам і ягоныя падначаленыя фабрыкавалі адміністратыўныя і крымінальныя справы супраць жыхароў гораду.

Алена Рувіна belsat.eu