Суд адмяніў дамову «Балтыкі» з беларускаю фірмай аб правах на брэнды «Carlsberg»
Арбітражны суд Санкт-Пецярбургу прызнаў несапраўднаю дамову паміж «Балтыкай» і беларускаю «Віста БіУай Ко». Ён датычыў перадачы правоў на экспарт піўных брэндаў «Сarlsberg Group», паведамляе «Office Life».
У кастрычніку «Балтыка» звярнулася ў суд, каб той прызнаў несапраўднаю дамову, паводле якой «Віста БіУай Ко» атрымала правы на піўныя брэнды «Балтыкі». У лістападзе двух былых кіраўнікоў «Балтыкі» арыштавалі за тое, што яны перадалі гэтыя правы замежным кампаніям.
Паводле версіі следства, яны з суўдзельнікамі «шляхам падману набылі на карысць кампаніяў “Карлсберг Казахстан” і “Віста БіУай Ко” правы інтэлектуальнай уласнасці, якія належаць ПК “Балтыка”, коштам не менш за 295,6 млн рублёў».
Гэтыя правы давалі магчымасць экспартаваць прадукцыю «Балтыкі» ў Казахстан, Кыргызстан, Узбекістан, Туркменію, Таджыкістан, Манголію і Беларусь. Паводле следства, менеджары прычынілі шкоду кампаніі ды часоваму кіраўніку, то бок «Расмаёмасці».
У ліпені 2023 года 100 % «Балтыкі» Уладзімір Пуцін перадаў «Расмаёмасці». Раней кампанія належала дацкай «Carlsberg Group». Да пастановы Пуціна кампанія збіралася прадаць бізнес у Расеі.
Арсен Рудэнка belsat.eu
