Аляксандр Лукашэнка 17 верасня падчас форуму сваіх прыхільнікаў назваў Беласток і Вільню «беларускімі землямі».
«Суседзі нам дадзены ад Бога, як і любой іншай дзяржаве. У стасунках з усімі мы імкнемся да міру і сяброўства. Мы ніколі не глядзелі на чужы каравай або кавалачак зямлі. Нам свайго хапае. Мы нават не нагадваем сёння ім пра тое, што Беласток і Беласточчына – гэта беларускія землі. Што Вільню – гэта таксама беларускі горад, і землі вакол. Мы ж пра гэта не гаворым», – сказаў Лукашэнка.
Нагадаем, што прэм’ер Польшчы Матэвуш Маравецкі заявіў, што ў Беларусі знаходзіцца больш за 10 тыс. мігрантаў, якія могуць напоўніць Польшчу і Літву. Пра гэта ён сказаў на сумеснай прэс-канферэнцыі з прэм’ерам Літвы Інгрыдай Шыманіце ў Варшаве.
Паводле яго, менскі рэжым ажыццяўляе супраць Літвы і Польшчы «правакацыю, інспіраваную ў Маскве».
МГ belsat.eu