Сіноптыкі абвесцілі на сёння штармавое папярэджанне: ва ўсіх вобласцях, акрамя Гарадзенскай і Берасцейскай, тэмпература паветра дасягне 30-31 градуса. Праз пагрозу лясных пажараў трывае максімальны, чырвоны ўзровень небяспекі.
18 чэрвеня амаль паўсюль у Віцебскай, Менскай, Магілёўскай і Гомельскай вобласцях тэмпература дасягне 30-31 градуса. Праз гэта Белгідрамет абвесціў штармавое папярэджанне. Пры гэтым на захадзе Беларусі будзе 20-22 цяпла, чакаюцца дажджы, месцамі моцныя і з навальніцамі.
Акрамя таго, на большай частцы тэрыторыі Менскай вобласці, а на Віцебшчыне і Магілёўшчыне – месцамі трывае надзвычайная пажарная небяспека максімальнага, чырвонага ўзроўню.
У МНС папярэджваюць, што праз спёку нельга выключаць перабояў з электрычнасцю, узнікнення лясных пажараў, распаўсюджвання агню на паселішчы. Таксама існуе пагроза цеплавых удараў. У звязку з тым, што шмат хто будзе ратавацца ля вады, ратавальнікі просяць не парушаць правілаў бяспекі на вадаёмах.
Сяргей Крот belsat.eu
