Міністэрства інфармацыі дадало сюжэты «Белсату» пра полк Каліноўскага ў спіс «экстрэмісцкіх матэрыялаў»

Міністэрства інфармацыі Беларусі дадало ў так званы Рэспубліканскі спіс экстрэмісцкіх матэрыялаў сюжэты «Белсату» пра беларускіх ваяроў палка Каліноўскага і ролю Лукашэнкі ў вайне ва Украіне, піша Беларуская асацыяцыя журналістаў.

Нашыўкі з украінскім сцягам, эмблемай палка імя Кастуся Каліноўскага і бел-чырвона-белым сцягам на амуніцыі Андрэя Корсака. Кіеўская вобласць, Украіна. 6 чэрвеня 2022 года.

Фота: Алесь Усцінаў / Белсат

У пералік «экстрэмісцкіх матэрыялаў» трапілі відэаролікі на афіцыйным сайце, у Facebook-акаўнце, на YouTube-канале «Белсату» ды іншых пляцоўках:

• Відэазапіс з назвай «У Лукашенко будет две недели после победы Украины / План: Б» (ідэнтыфікатары https://www.youtube.com/watch?v=SUcv2Td9vls і https://belsat.eu/ru/programs/21-11-2022-u-lukashenko-budet-dve-nedeli-posle-pobedy-ukrainy).
• Відэазапіс з назвай «Лукашэнка павінен баяцца: Украіна ўражаная батальёнам Каліноўскага | Украина восхищена беларусами» (ідэнтыфікатар https://www.youtube.com/watch?v=zDeYwFR5zXo&t=632s).
• Відэазапіс з назвай «Беларускі ваяр распавёў пра стан палка Каліноўскага | Беларусский воин про полк Калиновского» (ідэнтыфікатары https://www.youtube.com/watch?v=yRLlbzRiP6g і https://оk.ru/video/3709775188231).
• Відэазапіс з назвай «Позывной «Леший» – Батальон имени Кастуся Калиновского (ідэнтыфікатар https://www.youtube.com/watch?v=JS8wpabm7bE&t=12s).
• Відэазапіс з назвай «Беларусы прыехалі ваяваць супраць Пуціна і Лукашэнкі – некаторыя ўкраінцы былі ў шоку: «Як так? А мы думалі, усе беларусы за бацьку» (ідэнтыфікатар https://www.facebook.com/watch?ref=search&v=556493262602362);
• Відэазапіс з назвай «Баец палка Каліноўскага: Нашая канчатковая мэта – плошча Незалежнасці», ідэнтыфікатары https://www.facebook.com/watch/?v=732094101370021 і https://оk.ru/video/3550924835335).

Пастанову аб прызнанні гэтых сюжэтаў экстрэмісцкімі матэрыяламі прыняў суд Чыгуначнага раёну Віцебску 16 траўня 2023 года.

Акрамя таго, у «экстрэмісцкі» пералік трапіў цэлы шэраг тэматычных Telegram-каналаў і чатаў. Так, пастановамі судоў Менску, Берасця і Баранавічаў сюды ўнеслі наступныя акаўнты:

• «Зянон Пазняк»;
• «Дзённік экстрэміста»;
• «Беларусы замежжа»;
• «Лист для записей»;
• «Приключения беларусов в Киеве».

Аналагічны лёс напаткаў і сеткавыя суполкі руху чайлдфры, якому ўлады Беларусі абвясцілі «ідэалагічную вайну».

«Белсат» яшчэ ў лістападзе 2021 года быў прызнаны беларускімі ўладамі экстрэмісцкім фармаваннем.

Марыя Міхалевіч belsat.eu