Прадстаўніца АБСЕ ў пытаннях свабоды СМІ Тэрэза Рыбэйру выказалася наконт апошніх выпадкаў пераследу журналістаў у Беларусі.
У заяве Рыбэйру (Teresa Ribeiro) згадваецца затрыманне фотакарэспандэнткі Таццяны Капітонавай (пакараная 10 соднямі адміністратыўнага арышту), журналісткі TUT.by Любові Каспяровіч (15 содняў арышту), магілёўскіх журналістаў Аляксандра Буракова і Уладзіміра Лапцэвіча (кожны атрымаў па 20 содняў арышту).
Рыбэйру заклікае ўлады Беларусі «пераламаць негатыўную тэндэнцыю» і выконваць свае абавязкі ў межах АБСЕ.
«Тое, як улады Беларусі ставяцца да працаўнікоў СМІ, па-ранейшаму выклікае сур’ёзную трывогу і нароўні з іншымі трывожнымі падзеямі, звязанымі са свабодай СМІ ў краіне ў апошнія месяцы, сур’ёзна ставіць пад пагрозу фундаментальнае права чалавека на свабоду выказвання меркавання», – адзначыла яны.
«Я заклікаю ўлады спыніць пераследаваць журналістаў і вызваліць усіх зняволеных», – заявіла Рыбэйру.
ІІ belsat.eu
