У кабінеце галоўнакамандуючага ЗСУ Валерыя Залужнага знайшлі прыладу праслухоўвання. Пра гэта паведамляюць крыніцы «Украінскай праўды» і Украінскай службы BBC. Спецслужбы пачалі расследаванне.
Паводле крыніцаў выдання «Украінская праўда», «жучок» знайшлі сёння падчас праверкі ў кабінеце Валерыя Залужнага. Акрамя таго, такія ж прылады выявілі ў іншых супрацоўнікаў Генштабу.
Крыніцы Украінскай службы BBC у вайсковым кіраўніцтве таксама паведамілі пра знойдзеную ў кабінеце галоўнакамандуючага прыладу праслухоўвання, аднак не сказалі, ці былі яны ў іншых афіцэраў.
«Падчас папярэдніх правяранняў «жучкоў» не было. Цяпер у сітуацыі разбіраюцца праваахоўныя і вайсковыя структуры», – піша выданне.
У публікацыі адзначаецца, што прылады зроблены з такіх дэталяў, што цяпер складана вызначыць іх паходжанне.
Афіцыйна ўкраінскія службы гэтыя паведамленні пакуль не каментавалі.
Сцяпан Кубік belsat.eu