Па выніках першых дзевяці месяцаў сёлета валавы ўнутраны прадукт склаў BYN 140,2 млрд. У параўнанні з аналагічным перыядам мінулага году ВУП знізіўся на 4,7 %, паведамляе Белстат.
Беларуская эканоміка скарачаецца. Паводле падлікаў Белстату, практычна ўсе галіны гаспадаркі дэманструюць змяншэнне. Па выніках студзеня-верасня бягучага году, валавы ўнутраны прадукт нашай краіны склаў BYN 140,2 млрд, у параўнанні з аналагічным перыядам мінулага году ВУП знізіўся на 4,7 %
Раней Міжнародны валютны фонд на сваім сайце апублікаваў даклад «Перспектывы развіцця сусветнай эканомікі». Эканамісты прагназуюць, што пры росце ВУП Беларусі летась на 2,3% сёлета ён пойдзе ўніз – мінус 7%. У наступным годзе магчымы рост – на 0,2%.
Алена Аляксандрава belsat.eu