Берасцейскі аблсавет ухваліў пастанову аб увядзенні збору за мінанне мяжы ў пунктах пропуску. З 1 ліпеня пры выездзе за мяжу праз памежныя пункты на Берасцейшчыне трэба будзе заплаціць адну базавую велічыню. Адпаведную пастанову апублікавалі на Нацыянальным прававым інтэрнэт-партале.
Пастанова Берасцейскага абласнога савету аб увядзенні збору за мінанне мяжы апублікаваная 17 чэрвеня. Дэпутаты прынялі гэтае рашэнне яшчэ 24 траўня, яна ўступіць у моц 1 ліпеня. Цяпер пры выездзе ў Польшчу ці Украіну праз памежныя пункты пропуску аўтамабілем трэба будзе адну заплаціць базавую велічыню.
Раней аналагічныя рашэнні прынялі дэпутаты аблсаветаў Гомельшчыны і Гарадзеншчыны. Выезд за мяжу стаў платным у гэтых рэгіёнах яшчэ з 1 чэрвеня.
Сродкі, сабраныя за мінанне мяжы, улады будуць накіроўваць на барацьбу за каронавірусам.
СК belsat.eu