Міністэрства ўнутраных спраў мае намер праз сайт дзяржаўных закупак набыць сістэмы відэаназірання і форму для дэпартаменту аховы. Агульная сума, якую ведамства збіраецца выдаткаваць на гэтыя закупы, складае 1 мільён долараў, піша Медыязона.
Дэпартамент фінансаў і тылу Міністэрства ўнутраных справаў абвесціў пра гатовасць набыць сістэмы відэаназірання, відэакамер і іншага абсталявання. Адпаведная інфармацыя размешчаная на сайце дзяржаўных закупаў. Сума, якую МУС гатовая выдаткаваць на гэтыя патрэбы складае на 912.200 рублёў.
Адначасова з гэтым дэпартамент аховы Міністэрства ўнутраных спраў абвесціў пра намер набыць абмундзіраванне (курткі і штаны) на суму 1 935 036 рублёў. За гэтыя грошы дэпартамент хоча набыць 8212 куртак і 3343 штаноў.
У бягучым годзе ўрадоўцы запланавалі рэзкае павелічэнне фінансавання сілавікам. Агулам на нацыянальную бяспеку, судовую ўладу, праваахоўную дзейнасць і забеспячэнне бяспекі з бюджэту краіны выдаткавана 6 млрд 868 млн рублёў. Гэтая сума складае каля 20 % бюджэту краіны. У параўнанні з мінулым годам выдаткі на сілавікоў павялічылі на 1 млрд 913 млн руб.
Алена Аляксандрава belsat.eu
