Міністэрства абароны Украіны паведамляе пра актыўны наступ расейскіх войскаў на Усходзе. У прыватнасці, абвастрыліся баявыя дзеянні на купянскім, аўдзеемскім, мар’інскім і бахмуцкім напрамку, піша ў сваім Telegram-канале намеснік міністра абароны Украіны Ганна Маляр.
На працягу апошніх двух дзён расейскія войскі актывізаваліся на купянскім кірунку на Харкаўшчыне. ЗСУ вымушана абараняцца.
«Ідуць разʼюшаныя баі, становішча бакоў мяняюцца дынамічна па некалькі разоў за содні», – паведамляе Ганна Маляр.
Паводле яе словаў, на аўдзееўскім і марʼінскім напрамках расейскія войскі таксама працягваюць наступаць, ЗСУ «эфектыўна стрымліваюць» захопнікаў.
На бахмуцкім напрамку ўкраінскія войскі «паступова рухаюцца наперад». На паўднёвым флангу вакол Бахмута, паводле Ганны Маляр, штодня ёсць прасоўванне, на паўночным флангу ЗСУ імкнуцца ўтрымаць занятыя пазіцыі.
Алена Аляксандрава belsat.eu
