Агулам за 2021 год на літоўска-беларускай мяжы былі затрыманыя 1902 мігранты. Такія звесткі падае Дзяржаўная памежная служба Літвы.
Цягам чацвярга літоўскія памежнікі затрымалі 107 мігрантаў на мяжы з Беларуссю. 81 чалавек назваўся грамадзянінам Іраку, 10 – Сірыі, яшчэ 6 – з Ірану.
Мігранты будуць правераныя на COVID-19 і ізаляваныя да атрымання вынікаў тэстаў. Як яны трапілі ў Літву, высвятляе следства. Заявы асобаў, якія шукаюць прытулак, апрацоўваюцца Дэпартаментам міграцыі.
КТ belsat.eu