У апошняй публікацыі Навальны прызнаваўся ў каханні жонцы, а на відэа выглядаў бадзёрым
За дзень да сваёй смерці ў калоніі расейскі апазіцыйны палітык Аляксей Навальны выглядаў здаровым і прызнаваўся ў каханні жонцы.
Відэа Аляксея Навальнага за 14 лютага на пасяджэнні Каўроўскага суда па відэасувязі з Харпу, дзе сядзеў палітвязень, апублікаваў расейскі тэлеграм-канал «SOTAvision».
«Аляксей бадзёры, здаровы і вясёлы», – адзначылі журналісты.
Таксама 14 лютага, у дзень закаханых, у тэлеграм-канале палітыка з’явіўся пост з прызнаннем у каханні жонцы:
«Маленькая, у нас з табой усё – як у песні: паміж намі гарады, узлётныя агні аэрадромаў, сінія завеі і тысячы кіламетраў. Але я адчуваю, што ты побач кожную секунду, і я люблю цябе ўсё мацней».
Пра тое, што Навальны памёр у папраўчай калоніі № 3 у Ямала-Ненецкай аўтаномнай акрузе, 16 лютага паведаміла мясцовае ўпраўленне федэральнай службы выканання пакарання (ФСВП). Яму нібыта стала кепска пасля прагулкі.
Прэс-сакратар прэзідэнта Расеі Дзмітрый Пяскоў паведаміў, што «медыкі разбіраюцца» з тым, што адбылося, і ўдакладніў, што прэзідэнту ўжо паведамілі пра смерць Навальнага.
Якуб Хруст belsat.eu
