Улады пазбавілі рэгістрацыі грамадскую арганізацыю, якая займалася аховай водна-балотных угоддзяў, біяразнастайнасці і прыродных экасістэм «Багна». Са жніўня бягучага году ліквідавалі, або ў стадыі ліквідацыі 275 грамадскіх арганізацыяў Беларусі, піша «Вясна».
Арганізацыя «Багна» ажыццяўляла экалагічную, адукацыйную, культурную, інфармацыйную дзейнасць, распаўсюджвала ідэі ўстойлівага развіцця, абараняла прыродныя экасістэмы і біялагічныя віды, прасоўвала права грамадзянаў на спрыяльнае навакольнае асяроддзе. Але нават такія мэты і дзейнасць грамадскай арганізацыі прыйшліся недаспадобы чыноўнікам. «Багну» ліквідавалі.
Паводле праваабаронцаў, са жніўня 2021 году ліквідавалі, або ў стадыі ліквідацыі ў нашай краіне 275 грамадскіх арганізацыяў.
Раней Лукашэнка заявіў, што «грамадскія арганізацыі – дэструктыўныя структуры, якія прадстаўляюць патэнцыйную пагрозу нацыянальнай бяспецы».
СК belsat.eu