З пачатку года польскія памежнікі зарэгістравалі больш за 7 тысяч спробаў парушэння мяжы з боку Беларусі
З пачатку 2022 года польскімі памежнікамі была зарэгістраваная 7401 спроба незаконнага перасячэння мігрантамі беларуска-польскай мяжы, паведамляе Памежная служба Польшчы.
Толькі ў жніўні мігранты спрабавалі перайсці польскую мяжу з боку Беларусі 441 раз, а за апошнія содні – 16 разоў.
30 чэрвеня Польшча паведаміла, што скончыла будаўніцтва на мяжы з Беларуссю сталёвага плоту даўжынёй 186,25 кіламетраў. Кошт праекту ацэньваецца ў 353 мільёны еўра. Да верасня 2022 году плануецца абсталяваць плот электроннымі датчыкамі руху, відэакамерамі і цеплавізарамі.
На пачатку жніўня кіраўнік літоўскай Службы аховы дзяржаўнай мяжы Рустам Любаеў паведамляў, што на літоўска-беларускай мяжы зноў назіраецца рост колькасці нелегальных мігрантаў. Рост фіксуецца ўжо некалькі тыдняў.
Так, у Літву з пачатку года не пусцілі 4148 мігрантаў.
Алена Рувіна belsat.eu
