Уначы з 13 на 14 снежня расейскія войскі атакавалі ўкраінскія тэрыторыі ў трох кірунках дронамі і ракетамі. Найбольш дасталася Адэскай вобласці: ёсць разбурэнні і пацярпелыя.
Як паведамляюць украінскія Паветраныя сілы, з 19:00 учорашняга вечара расейскія войскі пачалі абстрэл украінскіх тэрыторыяў. Запускі адбываліся хвалямі.
Усяго за ноч было выпушчана 42 дроны тыпу «Shahed-136/131», украінскай СПА ўдалося збіць 41 беспілотнік. Тым не менш у выніку падзення абломкаў быў пашкоджаны інтэрнат, 11 чалавек атрымалі раненні, пяцёра былі шпіталізаваныя, трое з іх – дзеці.
Агулам жа разбурэнні зазналі 11 будынкаў.
Ратавальнікі арганізавалі на месцы мабільны пункт абагравання, пацярпелым дапамагаюць псіхолагі, Чырвоны Крыж забяспечыў іх ежай і цёплымі рэчамі.
Акрамя таго, паведамляецца, што шэсць крылатых ракетаў С-300 было выпушчана з акупаванай Херсоншчыны ў бок Мікалаеўскай і Херсонскай вобласцяў. Пра вынікі атак не паведамляецца.
Раман Шавель belsat.eu