Журналістка парталу TUT.by Кацярына Барысевіч, якая шэсць месяцаў правяла за кратамі, стала лаўрэаткай міжнароднай прэміі «За свабоду прэсы».
Прэмія «За свабоду прэсы» штогод уручаецца журналісту, які прадэманстраваў выдатныя і ўстойлівыя дасягненні ў справе свабоды прэсы ды падчас выканання сваіх прафесійных абавязкаў зазнаў гвалт, турэмнае зняволенне ці працаваў у складаных умовах.
Прэміяй «За свабоду прэсы» ўзнагароджваюць чатырох журналістаў. Акрамя Кацярыны Барысевіч лаўрэатамі сталі радыёжурналістка Анастасія Мэхія (Anastasia Mejía) з Гватэмалы, рэдактар газеты Матыяс Гентэ (Matías Guente) з Мазамбікe і галоўны рэдактар медыягрупы Ай Чан Наінг (Aye Chan Naing) з М’янмы.
Кацярыну Барысевіч затрымалі 19 лістапада 2020 года, яна правяла шэсць месяцаў за кратамі ў справе «нуль праміле». Журналістка апублікавала інфармацыю аб тым, што загінулы Раман Бандарэнка быў цвярозы.
Цырымонія ўзнагароджання запланаваная на 18 лістапада 2021 года. Звычайна яна праходзіць у Нью-Ёрку.
АД, belsat.eu
