Украіна дасць фатографу Вадзіму Заміроўскаму від на жыхарства, пра гэта паведаміў намеснік кіраўніка Беларускай асацыяцыі журналістаў Барыс Гарэцкі. Раней зʼявілася інфармацыя, што Заміроўскаму адмовілі ў відзе на жыхарства ва Украіне.
Украінскія ўлады і далей будуць падтрымліваць незалежных журналістаў, якія робяць праўдзівыя якасныя медыі для Беларусі, паведаміў на сваёй старонцы намеснік кіраўніка Беларускай асацыяцыі журналістаў Барыс Гарэцкі.
«Толькі што мы размаўлялі з кіраўніцай Дзяржаўнай міграцыйнай службы Украіны спадарыняй Наталіяй Науменкай, якая выдатна разумее праблемы нашых калег, і знайшлі выхад з сітуацыі, якая склалася.
Дзякую за разуменне і жаданне дапамагчы. Гэта вельмі важна.
Таксама дзякую ўсім калегам, якія далучыліся да развязання гэтага пытання. Салідарнасць. Узаемная падтрымка», – напісаў Гарэцкі.
МГМ belsat.eu