Праваабаронца Таццяна Гацура-Яворская напісала на сваёй старонцы, што з’ехала з радзімы ва Украіну, да сям’і.
«Вайна карэнным чынам змяніла як нашае агульнае, так і маё ўласнае становішча. Мая сям’я цяпер у рэальнай небяспецы, у стане вайны, з нявызначанымі сучаснасцю і будучыняй, і мае патрэбу ў маёй прысутнасці і падтрыманні», – напісала Таццяна.
Яна адзначыла, што гэтае рашэнне хоць і было слушным, але далося ёй вельмі складана. Спадарыня звярнулася да беларусаў, што засталіся ў краіне, са словамі падтрымкі і з перакананнем, што змаганне не скончылася:
«Заклікаць застацца ў Беларусі можна толькі ўласным прыкладам, і я ўжо страціла гэтую магчымасць. Але ўсім тым, хто застанецца /застанецца, хачу сказаць, што нашая краіна і рэшткі суверэнітэту трымаюцца / будуць трымацца ў асноўным на вас».
МГМ, belsat.eu