Ліберальна-дэмакратычная партыя абвесціла конкурс на стварэнне гімну партыі. Паводле ўмоваў конкурсу, тэкст мусіць быць на беларускай мове.
Пераможца конкурсу атрымае каштоўны прыз і грашовую ўзнагароду ад кіраўніцтва партыі.
Каля месяца таму партыя прыняла заяву, у якой прапаноўвала ўзаконіць абавязковае валоданне службоўцамі беларускаю моваю. {movie}Гайдукевіч: Жыве Беларусь!|right|8105{/movie}
У заяве адзначалася, што ЛДП заўсёды «ўсімі даступнымі сродкамі спрыяла ўмацаванню суверэнітэту» Беларусі. «Суверэнітэт – гэта тое, што ёсць святым для кожнага грамадзяніна. Надышоў час звярнуцца да ўсіх і сказаць: галоўны складнік суверэнітэту любой дзяржавы і адзіная для ўсіх дзяржаўная ідэалогія толькі адна – гэта развіццё і ўмацаванне роднай мовы», – зазначаецца ў дакуменце.
Каментуючы заяву, старшыня ЛДП Сяргей Гайдукевіч паведаміў, што ліберальныя дэмакраты маюць намер часцей выкарыстоўваць беларускую мову ў партыйных справах, напрыклад, выступаючы з рознымі заявамі. Акрамя таго, свой даклад на чарговым партыйным з’ездзе Гайдукевіч плануе падрыхтаваць па-беларуску.
belsat.eu, паводле БелаПАН