У Менску завялі 18 крымінальных справаў за «глумленне з дзяржаўных сімвалаў» з пачатку года
У Менску з пачатку года адкрыта 18 крымінальных справаў за глумленне з герба, сцяга і гімну Беларусі. Сярод абвінавачаных трое падлеткаў, паведамляе Следчы камітэт.
Паводле версіі СК, падлеткі сарвалі і кінулі на зямлю два дзяржаўныя сцягі, а таксама пашкодзілі чужы аўтамабіль. Яшчэ адзін мужчына сарваў сцяг з фасаду аптэкі і схаваў яго ў пад’ездзе.
Ува ўсіх 18 справах людзі прыцягнутыя да адказнасці паводле артыкулаў аб глумленні з дзяржаўных сімвалаў і хуліганстве.
СК сцвярджае, што «пераважна абвінавачаныя былі ў стане алкагольнага апʼянення і не маглі патлумачыць прычыны сваіх дзеянняў».
Сілавікі падкрэсліваюць, што названыя сімвалы – гэта «ўвасабленне суверэнітэту» Беларусі. Пры гэтым вядомыя выпадкі, калі затрыманых паводле палітычных матываў у Беларусі прымушалі хадзіць па гістарычным нацыянальным бела-чырвона-белым сцягу.
Арсен Рудэнка belsat.eu
