Міністр замежных справаў Беларусі Сяргей Алейнік наведвае з афіцыйным візітам Вугоршчыну. 12 красавіка адбудзецца яго сустрэча з вугорскім калегам, паведамляе МЗС Беларусі ў сваім Twitter.
12 красавіка ў Будапэшце адбудзецца сустрэча міністра замежных справаў Беларусі Сяргея Алейніка з міністрам замежных справаў і вонкавага гандлю Вугоршчыны Пэтэрам Сіярта. Запланаванае паседжанне міжурадавай камісіі па эканамічнай супрацы.
Паведамляецца, што беларускі міністр ужо прыбыў у Будапэшт. Праўда, Пэтэр Сіярта 11 красавіка з візітам у Маскве.
13 лютага сёлета вугорскі міністр замежных справаў і замежнага гандлю Петэр Сіярта наведваў Менск, дзе сустракаўся з Сяргеем Алейнікам. Дыплатаматы абмеркавалі «далейшае ўзаемавыгаднае развіццё міждзяржаўных стасункаў».
Адносна планаў візіту ў Менск Сіярта напісаў на сваёй старонцы ў Facebook, што «вайна ва Украіне становіцца ўсё больш жорсткай, больш людзей гіне ў выніку баявых дзеянняў. Цяпер трэба ўратаваць чалавечыя жыцці, і гэта можна зрабіць толькі з мірам».
Алена Аляксандрава belsat.eu