У Беларусі сёння трагічная дата – дзесяць гадоў пасля тэракту ў менскім метро, які адбыўся 11 красавіка 2011 году. У той дзень у выніку выбуху на платформе метро загінула 15 чалавек, каля 400 пацярпелых. Сёння вакол мемарыялу памяці ахвяр тэракту на выхадзе са станцыі метро «Кастрычніцкая» стаяць людзі, каб ушанаваць памяць загінулых і ўзгадаць трагічную падзею.
Многія з людзей прыносяць кветкі на месца мемарыялу, іх колькасць усё расце. Вакол самога помніка, з двух яго бакоў, нясуць вахту дзве супрацоўніцы метрапалітэну, якія перыядычна змяняюцца: штогод ля знаку «Рака жыцця» выстаўляецца Ганаровая варта з ліку работнікаў метро.
Вакол месца памяці заўважаны патруль міліцыі. У самым метро на ўваходзе таксама двое патрульных.
Машыны, які пераязджаюць міма станцыі метро «Кастрычніцкая» час ад часу сігналяць.
АД, belsat.eu