Чэмпіёнка Беларусі па тайскім боксе і К1, прызёрка чэмпіянатаў Еўропы па муай-тай Аляксандра Сітнікава пакараная 10 соднямі арышту, паведамляе карэспандэнт «Белсату».
Суд Цэнтральнага раёну сталіцы пакараў Аляксандру Сітнікаву 10 соднямі арышту па артыкуле 23.34. Чэмпіёнка Беларусі па тайскім боксе і К1, прызёрка чэмпіянатаў Еўропы па муай-тай Аляксандра Сітнікава пакараная за ўдзел у несанкцыянаваным мерапрыемстве.
13 кастрычніка затрымалі чэмпіёнку Беларусі па тайскім боксе і К1, прызёрку чэмпіянатаў Еўропы па муай-тай Аляксандру Сітнікаву. Пра гэта паведамляе Беларускі фонд спартовай салідарнасці.
Ноч спартоўка правяла ў Цэнтральным РУУС Менску.
Нядаўна Аляксандра Сітнікава выклала ў Instagram пост, у якім выказала прыязнае стаўленне да беларускіх пратэстоўцаў:«Я неймаверна ганаруся нашымі людзьмі! Яны мудрыя, моцныя і неймаверна добрыя, столькі ўзаемадапамогі, і ўсё так культурна. І ўсё гэта, нягледзячы на страшную жорсткасць з боку ўраду! Жыве Беларусь!»
Нагадаем, што гэта не першы выпадак рэпрэсіяў у дачыненні беларускіх спартоўцаў. Раней за ўдзел у несанкцыянаванай акцыі на 15 содняў быў арыштаваны вядомы трэнер па тайскім боксе Юрый Булат. За тое ж «правапарушэнне» 15 содняў арышту атрымала і баскетбалістка Алена Леўчанка.
АА belsat.eu
