Праваабарончая супольнасць Беларусі прызнала палітычнымі вязнямі яшчэ 6 асобаў. Цяпер у Беларусі 667 палітвязняў, паведамляе «Вясна».
Праваабаронцы прызналі палітвязнямі Аляксея Мінава, Глеба Койпіша, Аляксея Муравіцкага, Максіма Клімовіча, Дар’ю Чайко, Кірыла Пальчэўскага.
«Мы ацэньваем пераслед гэтых асобаў, якія былі пазбаўленыя волі і абвінавачаныя ў групавых дзеяннях, якія груба парушаюць грамадскі парадак, як палітычна матываваны пераслед у сувязі з рэалізацыяй імі свабоды мірных сходаў і выказвання свайго меркавання адносна абвешчаных вынікаў прэзідэнцкіх выбараў», – гаворыцца ў заяве.
Праваабаронцы патрабуюць неадкладна вызваліць з-пад варты ўсіх палітычных зняволеных, а таксама грамадзянаў, затрыманых у сувязі з рэалізацыяй свабоды мірных сходаў у паслявыбарчы перыяд, і спыніць палітычныя рэпрэсіі ў дачыненні да грамадзянаў краіны.
Агулам цяпер у Беларусі 667 палітычных вязняў.
СК belsat.eu