Урад Латвіі ўвёў рэжым надзвычайнага становішча на мяжы з Беларуссю. Цяпер памежнікам дазволена выкарыстоўваць зброю і спецсродкі, каб вяртаць мігрантаў у Беларусь.
Надзвычайнае становішча працягнецца да 10 лістапада.
Раней паведамлялася, што міністр унутраных спраў Марыя Голубева плануе прапанаваць пра абвяшчэнне надзвычайнага становішча на латвійска-беларускай мяжы на пасяджэнні міністраў 10 жніўня.
У выніку Кабінет міністраў усё ж абвясціў надзвычайнае становішча. Яно будзе дзейнічаць у Лудзенскім, Краслаўскім, Аўгшдаўгаўскім раёнах, а таксама ў Даўгаўпілсе, а паўнамоцтвы Дзяржаўнай памежнай аховы будуць пашыраны для прадухілення нелегальнай міграцыі і вяртання мігрантаў таму.
У сераду, 11 жніўня, міністр унутраных спраў плануе адправіцца на латвійска-беларускую мяжу.
Яшчэ да ўвядзення надзвычайнага становішча Латвійскія ўлады для аховы мяжы ўвялі ўзмоцнены нагляд і мабілізавалі рэсурсы Дзяржаўнай памежнай аховы і арміі. Падтрымка аказваецца і з боку Еўрапейскага агенцтва памежнай і берагавой аховы «Frontex».
Нагадаем, што пасля таго, як Літва пачала высылаць мігрантаў, якія прыбылі з Беларусі, назад, з 6 жніўня рэзка павялічылася колькасць уцекачоў, якія перасякаюць латвійска-беларускую мяжу.
Так, з 6 жніўня да раніцы 10 жніўня за незаконнае перасячэнне латвійска-беларускай мяжы былі затрыманыя 283 чалавека.
АД, belsat.eu
