Французскае выданне «Libération» паведамляе са спасылкаю на крыніцы ў заходняй выведцы, што кіраўнік ПВК Вагнэра з 1 ліпеня ў Маскве, дзе ён сустракаўся з Пуціным, Нарышкіным і Золатавым, піша Telegram-канал Агентство. Новости.
Прыгожына выклікалі ў Крэмль 1 ліпеня, разам з ім прыехалі камандзіры ПВК Вагнэра. Акрамя Пуціна, Прыгожын сустрэўся з дырэктарам Расгвардыі Віктарам Золатавым і кіраўніком Службы вонкавай разведкі Сяргеем Нарышкіным.
Пасля раптоўнага спынення мяцяжу, так і не дайшоўшы да Масквы, Яўгеній Прыгожын мусіў з’ехаць у Беларусь. Аднак у чацвер, 6 ліпеня Лукашэнка заявіў, што кіраўніка вагнэраўцаў у Беларусі няма і што ён «цяпер у Піцеры, можа быць, у Маскву паехаў».
Лукашэнка таксама дапусціў, што Пуцін мог змякчыць стаўленне да Прыгожына.
Прэс-сакратар Пуціна Дзмітрый Пяскоў у пятніцу 7 ліпеня заявіў, што Крэмль не сочыць за перасоўваннямі Прыгожына.
Лагер пад Асіповічамі, які пабудавалі для вагнэраўцаў, дагэтуль пусты, а Міністэрства абароны заявіла, што будзе выкарыстоўваць яго для вучэнняў тэрытарыяльнай абароны.
Марыя Міхалевіч belsat.eu
