Жыхары Кіева прагаласавалі за перайменаванне станцый метро, звязаных з Беларуссю і Расеяй. Хутка праект рашэння разгледзіць Кіеўская гарадская рада.
Раней улады Кіева папрасілі жыхароў прапанаваць альтэрнатыўныя назвы пяці кіеўскім станцыям метро. Назвы яшчэ не зацверджаны, але пакуль вынікі выглядаюць так:
- станцыя «Берасцейская» стане «Бучанскай»;
- станцыя «Менская» – «Варшаўскай»;
- станцыя «Плошча Льва Талстога» – «Васілія Стуса» (у гонар украінскага паэта і дысідэнта);
- станцыя «Герояў Дняпра» – «Герояў Украіны»;
- станцыя «Дружбы народаў» – «Батанічная».
Выява: kyivmetroalerts/telegram
Выява: kyivmetroalerts/telegram
Усяго ў онлайн-апытанні прынялі ўдзел больш за 170, 5 тысяч кіяўлян.
Сярод прапаноў былі даволі экзатычныя варыянты. Напрыклад, для «Менскай» былі прапанаваны назвы «Боршч», «Рэактыўныя гусі» і «Трактар». «Берасцейскую» прапаноўвалася перайменаваць у «Паляніцу», а «Дружбу народаў» у «Байрактарскую» ці «Чарнабаеўскую». Сярод варыянтаў «Герояў Дняпра» была «Чырвоная каліна».
Беларускі свет
«Увесь лес застаўлены расейскімі войскамі»
2022.05.10 20:31
АД belsat.eu
