Праваабарончы цэнтр «Вясна» паведамляе, што ўвечары 9 красавіка ў Менску сілавікі затрымалі актывістку Галіну Лагацкую.
Паводле праваабаронцаў, Галіна Лагацкая пайшла ў Кастрычніцкі РУУС забіраць свой тэлефон, які ў яе вынялі 2 гады таму і не аддавалі. У сакавіку 2022 года жанчыне прызначылі 15 содняў арышту за ўлёткі «Не вайне» – гэта палічылі «несанкцыянаваным пікетаваннем». Цяпер ёй паведамілі, што гатовыя аддаць тэлефон, таму і запрасілі ў РУУС. Там яе і затрымалі.
Вядома, што Галіна «затрыманая на 72 гадзіны» – імаверна, да суда ў адміністратыўнай справе. Сутнасць абвінавачвання не вядомая.
Hавiны
Праваабаронца: Нам варта шукаць менш відавочныя для ўладаў спосабы падтрымкі палітвязняў
2024.04.06 22:22
Глеб Нержын belsat.eu
