8 снежня мігранты з Беларусі 80 разоў спрабавалі прарваць мяжу з Польшчай. Пра гэта паведамляе Памежная ахова Польшчы ў Twitter.
У адказ польскія памежнікі вымусілі 23 чалавекі пакінуць тэрыторыю Польшчы.
Пры гэтым на ўчастках, якія ахоўваюцца пастамі ў Дубічах Царкоўных і Чарэмсе, вялікія групы спрабавалі гвалтоўна перайсці мяжу.
Відэа інцыдэнту ў Дубічах Царкоўных апублікавала Міністэрства абароны Польшчы.
«Мігранты працягваюць паводзіць сябе агрэсіўна і нападаюць на нашых салдат і афіцэраў», – паведамілі ў польскім Мінабароны.
МГ belsat.eu