Улады Беларусі ўводзяць ліцэнзаванне імпарту шэрагу тавараў з Украіны. Гэта вынікае з пастановы Савету міністраў № 702 ад 7 снежня.
Паводле пастановы, рашэнне ўраду прынятае ў сувязі з нібыта сістэматычным парушэннем Украінай прынцыпаў свабоднага гандлю.
Абмежавальная мера распаўсюджваецца на пліты драўнянастружкавыя, пліты драўнянавалакністыя, шпалеры і аналагічныя насценныя пакрыцці, туалетную паперу, асобныя віды кардоннай і папяровай упакоўкі, мэблю і яе часткі.
Таксама ліцэнзаванне закранула імпарт з Украіны будаўнічай цэглы з керамікі, керамічнай паліванай пліткі, санітарна-тэхнічных вырабаў з керамікі, шкляных ампул, радыятараў і іх частак з чорных металаў, сельскагаспадарчых машын для падрыхтоўкі і апрацоўкі глеб, пральных машын.
Абмежаванні таксама закрануць кандытарскія вырабы з цукру, шакаладу і іншых гатовых харчовых прадуктаў, якія змяшчаюць какава, а таксама салодкага сухога печыва, піва.
Выдаваць ліцэнзіі будзе Міністэрства антыманапольнага рэгулявання і гандлю Беларусі.
Нагадаем, што з Новага года пад беларускія санкцыі трапляюць сыр, мяса, садавіна, гародніна, арэхі і шмат іншых тавараў з краін Захаду. Іх увоз абмяжоўвае пастанова № 700 Савету Міністраў. Практычна так, як раней зрабіла Расея. Таксама ўводзяць санкцыі супраць авіякампаніяў і палітыкаў.
МГ belsat.euна
