На ўнутраным валютным рынку Беларусі фізічныя асобы 16 месяцаў запар скупляюць замежную валюту. Пра гэта сведчаць звесткі Нацыянальнага банку.
Са снежня 2019 года беларусы набылі ў банкаў $ 2,239 млрд на чыстай аснове. За першы квартал 2021-га чыстая купля валюты насельніцтвам склала $ 225,9 млн.
Юрыдычныя асобы-рэзідэнты ў першым квартале набылі ў банкаў $ 196,5 млн.
Разам прадпрыемствы-рэзідэнты і фізічныя асобы застаюцца чыстымі пакупнікамі валюты ў 2021 годзе. За першы квартал сальда скупкі склала $ 422,4 млн.
МГ belsat.eu