8 студзеня адбылася сустрэча Святланы Ціханоўскай з міністрам замежных справаў Польшчы Радославам Сікорскім. Падчас сустрэчы абраная прэзідэнтка Беларусі ўганаравала польскага міністра Крыжом Добрасуседства.
Крыж Добрасуседства з’яўляецца ўзнагародай Аб’яднанага пераходнага кабінету Беларусі і ўручаецца па асабістым рашэнні Святланы Ціханоўскай замежным ці беларускім грамадзянам, якія зрабілі асаблівы ўнёсак у пабудову адносінаў Беларусі з іншымі краінамі, а таксама ў справу дэмакратычных перамен у Беларусі.
Ціханоўская і прадстаўнікі Аб’яднанага пераходнага кабінету 8–10 студзеня ладзяць сустрэчы і перамовы з прэзідэнтам Польшчы, са спікерамі Сейму і Сенату Польшчы, міністрам замежных справаў, міністаркай адукацыі і міністрам еўрапейскіх справаў. На сустрэчах бакі абмяркуюць пытанні легалізацыі беларусаў у Польшчы і ўмацаванне беларуска-польскай супрацы падчас старшынства Польшчы ў Радзе Еўразвязу.
РШ belsat.eu