Міністэрства абароны Польшчы выклала ў сеціва відэа з мігрантамі, якія атакуюць агароджу на беларуска-польскай мяжы.
Мінабароны Польшчы адзначае, што польскія жаўнеры штодня сутыкаюцца з такімі сітуацыямі. «Група мігрантаў – маладых людзей – у прысутнасці прынамсі аднаго беларуса сёння напала на нашыя пасты», – паведамляе ведамства.
Міністр абароны Польшчы Мар’юш Блашчак адзначыў у Twitter, што «сітуацыя на мяжы становіцца ўсё больш напружанай».
Таксама польскія медыі паведамляюць, што на памежжы з Беларуссю знайшлі мёртвага польскага жаўнера. Ён непасрэдна не ахоўваў польска-беларускую мяжу. Трагедыя адбылася падчас адпачынку салдата. Прычыны смерці высвятляюцца, піша wojsko-polskie.pl.
РР belsat.eu